Як мы паведамлялі, 2 верасня міграцыйная служба (IND), да вялізнага расчаравання ўкраінскіх бежанцаў, прыпыніла ўлепку стыкераў (пра тое, што такое стыкер і як ён выглядае, глядзіце нашае відэа. Новую партыю стыкераў усё чакалі 17 кастрычніка. Аднак 6 кастрычніка на сайце IND нечакана выйшла навіна, што партыя з 20.000 стыкераў ужо гатова.
Пацвярджэнне легальнага пражывання ў Нідэрландах
Для многіх украінскіх бежанцаў (часова перамешчаных асоб) заканчваецца бязвіз (90 дзён). Стыкер ад міграцыйнай службы патрэбен для таго, каб пацвердзіць пражыванне ў Нідэрландах на законных падставах. Пры пэўных умовах украінцы ў ЕС падпадаюць пад дзеянне Еўрапейскай дырэктывы аб часовай абароне (Richtlijn Tijdelijke Bescherming, RTB).
Міграцыйная служба пачала выдачу стыкераў улетку і планавала скончыць да восені. Аднак тэрміны некалькі разоў пераносіліся. У пачатку верасня з-за недахопу сыравіны для ахоўнага элемента выраб стыкераў і, такім чынам, іх выдачу ўкраінцам нечакана прыпынілі.
Змены ў працэдуры выдачы стыкераў
Украінцам у Нідэрландах, якія плануюць атрымаць стыкер, неабходна ўлічваць такія моманты:
- Замест шасці лакацый зараз будзе працаваць толькі тры:
- у Амстэрдаме (CEC-Amsterdam - культурна-адукацыйны цэнтр);
- у Ратэрдаме (канферэнц-цэнтр Ahoy);
- у Асене (цэнтр прыёму ўкраінцаў).
- Уклеіць стыкер змогуць толькі тыя, хто зарэгістраваўся ў муніцыпалітэце (gemeente) у базе BRP (гэта значыць атрымаў BSN-нумар) больш чым тыдзень таму. Пра тое, што такое BRP і BSN, наша відэа.
Анлайн-запіс
Міграцыйная служба анансуе адкрыццё анлайн-запісу (afsprakenplanner) непасрэдна з 6 кастрычніка. Пры гэтым запісацца на прыём для ўлепкі стыкера можна на перыяд з 12 па 31 кастрычніка 2022 года.
Звярніце ўвагу!
- Без стыкера з 1 лістапада 2022 г. працаўладкаванне для ўкраінцаў у Нідэрландах будзе немагчыма.
- Для бежанцаў з Украіны, якія будуць уязджаць у Нідэрланды з канца кастрычніка, міграцыйная служба распрацуе новую працэдуру афармлення дакументаў.
