Цяпер у буйных кампаній на аплату рахункаў MKB 30 дзён

З 1 ліпеня 2022 года максімальна дапушчальныя тэрміны, у якія буйныя кампаніі павінны аплачваць рахункі ад прадпрымальнікаў малога і сярэдняга бізнесу (kleine en middelgrote bedrijven - MKB), скарачаюцца ў два разы. Калі раней яны складалі 60 дзён, то зараз - усяго 30 дзён.

Тэрмін аплаты

Складаючы дамову пастаўкі, падраду, аказанні паслуг і гэтак далей, бакі ўзгадняюць:

1. кошт тавараў / паслуг / работ - канкрэтную суму;
2. тэрміны аплаты.

Апроч дамовы, тэрміны аплаты паказваюцца ў рахунку-фактуры. Тэрмін аплаты - гэта перыяд, на працягу якога павінна быць аплачана ўся сума (кошт тавара, паслуг або работ). У Нідэрландах максімальна дапушчальны тэрмін аплаты складае 60 дзён для бізнесу і 30 дзён для дзяржаўнага сектара.

Што мяняецца?

З 1 ліпеня 2022 года ўступіць у сілу папраўка да Кнігі 6 Грамадзянскага кодэкса Нідэрландаў, паводле якой для буйных кампаній тэрмін аплаты рахункаў ад пастаўшчыкоў MKB скарочаны да 30 дзён.

Паняцце "буйная кампанія"

Кампанія лічыцца буйной, калі адпавядае хаця б двум з трох крытэрыяў:

1. агульная сума балансу - больш за 20 мільёнаў еўра;
2. чысты абаротны капітал - больш за 40 мільёнаў еўра;
3. колькасць супрацоўнікаў у штаце - 250 і больш.

Для каго новаўвядзенне?

Прыняць да ўвагі змяненне тэрмінаў аплаты павінны:

1. непасрэдна буйныя кампаніі;
2. прадпрымальнікі малога і сярэдняга бізнэсу, якія падаюць тавары ці паслугі буйным кампаніям;
3. фрылансеры, якіх наймаюць буйныя кампаніі.

Прадпрымальнікам катэгорыі MKB і фрылансерам гэта заканадаўчае новаўвядзенне забяспечвае магчымасць атрымаць свае заробленыя грошы хутчэй. Сродкі будуць хутчэй вяртацца ў бізнэс замест таго, каб «захрасаць» у неаплачаных рахунках.

Нагадваем: калі раптам у вас узніклі складанасці з выстаўленнем рахункаў-фактур вашым кліентам, звяртайцеся да нас! Спецыялісты Nalog.nl змогуць аператыўна стварыць старонку для выстаўлення фактур, і вы будзеце без абмежаванняў дадаваць туды кліентаў і тавары.