Пасольства Нідэрландаў ва Украіне зноў адкрыта. Частка супрацоўнікаў дыпламатычнай місіі на чале з паслом 16 красавіка вярнулася ва Украіну. Пра гэта паведаміў Міністр замежных спраў Нідэрландаў г-н Хукстра (Wopke Hoekstra, Minister van Buitenlandse Zaken, viceminister-president).
Пакуль дыпламаты працуюць са Львова. Незадоўга да рускага ўварвання пасольства пераехала туды з Кіева. Пасольствам прыняты дадатковыя меры бяспекі для абароны персаналу, у тым ліку ад ракетных абстрэлаў.
Усё больш краін ЕС вяртаюць сваіх дыпламатаў ва Украіну. Так, Францыя і Італія аднавілі працу ў Кіеве. У канчатковым рахунку Нідэрланды таксама маюць намер перабрацца ў сталіцу. "Як толькі гэта будзе дастаткова бяспечна", - адзначыў міністр.
Чаму супрацоўнікі пасольства вяртаюцца менавіта зараз?
Па заяве прэс-службы Міністэрства замежных спраў каралеўства Нідэрланды, зараз вельмі важна мець дакладнае ўяўленне аб бягучай сітуацыі ва Украіне. У прыватнасці, каб ацаніць ступень бяспекі ў краіне. Для сувязі з украінскім урадам (а гэта важная частка дыпламатычнай працы) вялікае значэнне мае дыпламатычная пошта і кантакты. "Таксама важна паглядзець, як нашы партнёры ва Украіне дастаўляюць гуманітарную дапамогу і дзе канкрэтна яна патрэбна", - сказана на сайце міністэрства.
Важна:
