Уладальнікі нідэрландскага аўтатранспарту выплачваюць дарожны падатак, які залежыць ад вагі аўтамабіля. Электрамабілі абсталяваны цяжкімі акумулятарнымі батарэямі, так што дарожны падатак на іх павінен быць высокім. Цяпер уладальнікі электрамабіляў вызваленыя ад гэтага падатку, але гэтую льготу павінны паэтапна адмяніць. Што чакае ўладальнікаў электрычнага транспарта?
Паводле звестак з урадавых колаў, у вясновым мемарандуме ўрад мае намер паведаміць аб паэтапнай адмене льготы па дарожным падатку для электрамабіляў. Цяпер запланавана, што льгота адменяць у 2026 годзе: спачатку, у 2025 годзе, уладальнікам электрычнага транспарту давядзецца плаціць 25% дарожнага падатку, а з 2026 года — усе 100%. Урад мае намер гэта змяніць.
Грамадства занепакоенае тым, што адмена льготы прывядзе да павелічэння колькасці транспартных сродкаў, якія працуюць на нафтапрадуктах. Больш цяжкія электрамабілі абыдуцца ўладальнікам даражэй за бензінавыя і дызельныя. Яшчэ ў мінулым годзе парламент даручыў ураду вывучыць пытанне, як зрабіць так, каб уладальнікі электрамабіляў выплачвалі дарожны падатак прынамсі не большы, чым уладальнікі транспарту, які працуе на выкапнёвым паліве. На правядзенне даследаванняў і прыняцце прапаноў ураду выдзелілі тэрмін на працягу 2024 года.
Пакуль урад плануе падоўжыць пераходны льготны перыяд, пра што ён і павінен паведаміць у вясновым мемарандуме. З 2026 года ўладальнікі электрамабіляў будуць плаціць 60% ад дарожнага падатку, з 2029-га - 65%, а з 2031 года льгота будзе адменена. Што будзе далей з дарожным падаткам на электратранспарт, пакажа час.
Больш важных навін - па спасылцы.
