Змяняюцца правілы праезду ў цягніках NS

Кампанія «Нідэрландскія чыгункі» (Nederlandse Spoorwegen – NS) абвясціла, што змяняе правілы атрымання скідак на сумесныя паездкі, пачынаючы з 19 лютага 2024 года. Што гэта за скідкі? Як іх зараз трэба будзе атрымліваць?

Зніжкі на сумесныя паездкі дазваляюць групам да трох чалавек падарожнічаць у непікавыя гадзіны, эканомячы да 40% кошту квіткоў. На думку NS, злоўжыванні пры выкарыстанні такіх скідак былі асноўнай прычынай спрэчак з кантралёрамі. Кампанія не адмаўляецца ад гэтай зніжкі, але мяняе правілы яе прадастаўлення. Ужо з 19 лютага тыя, хто вырашыць скарыстацца гэтай скідкай, павінны атрымаць спецыяльны код ад уладальніка праязнога дакумента. У цягніку пасажыры, якія ажыццяўляюць сумесную паездку, павінны сядзець побач. З 22 красавіка набываць білеты можна будзе толькі праз сайт NS — да апошняй трэці красавіка правілы продажу білетаў застаюцца ранейшымі, іх можна купіць у аўтаматах.