Жыхары Украіны, якія пацярпелі ад нападу Расіі, могуць атрымаць ад 5 да 30 тысяч еўра кампенсацыі

Аб магчымасці атрымання такіх кампенсацый паведаміла ўкраінскае Міністэрства лічбавай трансфармацыі (Мінлічба) на сваім афіцыйным тэлеграм-канале. Каб прэтэндаваць на кампенсацыю, украінцам трэба не пазней за 16 студзеня 2023 года звярнуцца ў Еўрапейскі суд па правах чалавека (ЕСПЧ).

Як звярнуцца з заявай у ЕСПЧ?

Пакрокавая інструкцыя:

1. Перайдзіце па спасылцы на сайт суда і запоўніце форму заявы.
2. Загрузіце на свой кампутар запоўненую форму і раздрукуйце яе.
3. Пакладзіце заяву ў паштовы канверт і наляпіце на яе адрас ЕСПЧ, які будзе аўтаматычна сфарміраваны пры раздрукоўцы заявы.
4. Наведайце адно з аддзяленняў Укрпошты і дашліце заяву ў ЕСПЧ. Гэтая паслуга бясплатная.

Калі ўкраінец, які пацярпеў ад расейскай агрэсіі, не можа звярнуцца ў ЕСПЧ асабіста, заяву ад яго імя можа падаць сваяк пацярпелага. Тэрмін разгляду заяў Еўрапейскім судом па правах чалавека - да 1 года.

Калі вам патрабуецца дапамога пры падачы заявы, звярніцеся ў адну з грамадскіх прыёмных Украінскай Хельсінкскай групы. Адрасы прыёмных можна даведацца тут.

Больш навін і інфармацыі, карысных украінцам, на нашым сайце.