У планах Еўракамісіі электрыфікацыя камерцыйных аўто з 2027 года

Да экалагічных прычын адмовы ад транспартных сродкаў з рухавікамі ўнутранага згарання дадаліся такія фактары, як істотнае павышэнне цэн на паліва і байкот расійскай нафты. Электрыфікацыю аўтамабіляў у ЕС неабходна паскорыць, лічыць еўракамісар Франс Цімерманс (Frans Timmermans). З 2027 года ён прапануе ўвесці абавязковую электрыфікацыю аўтапаркаў кампаній і арганізацый.

Чаму камерцыйныя аўта?

Еўракамісар працуе над планам электрыфікацыі малых камерцыйных аўтамабіляў ва ўсіх дзяржавах - членах ЕС з 2027 года. Менавіта ў сегменце камерцыйных аўтамабіляў, на яго думку, можна хутчэй за ўсё дабіцца істотных вынікаў. З канкрэтнай прапановай па зменах у еўрапейскае заканадаўства Цімерманс, верагодна, выступіць у канцы года.

У чым сутнасць плана?

Спачатку абавязацельства па абнаўленні аўтапарка будзе распаўсюджвацца на буйныя кампаніі і ўрадавыя арганізацыі. Малых і сярэдніх прадпрыемстваў новыя еўрапейскія правілы закрануць у 2030 годзе.

Якія яшчэ крокі робіць ЕС на шляху электрыфікацыі аўто?

Чакаецца, што на наступным тыдні Еўрапарламент прагаласуе за прапанову ўвесці забарона на продаж новых аўтамабіляў з рухавікамі ўнутранага згарання з 2035 года – пра гэта мы ўжо пісалі. Многія вытворцы да таго часу змогуць перайсці на выпуск толькі электрычных транспартных сродкаў. Але пакуль паездкі на электрамабілі па Еўропе ўсё яшчэ спалучаны з дыскамфортам у сувязі з недахопам зарадных станцый.