У сувязі з вялікай плынню бежанцаў з Украіны і адсутнасцю ў іх магчымасці хутка аформіць замежны пашпарт Дзяржаўная памежная служба краіны выпускала ўкраінцаў за мяжу па ўнутраных пашпартах. У апошнія дні актыўна распаўсюджваліся чуткі, што пакінуць Украіну можна будзе толькі па пашпарце для паездак за мяжу. Гэта не так.
Дзяржаўная памежная служба Украіны на сваім сайце паведаміла, што ўкраінцаў будуць прапускаць на выезд па ўнутраных пашпартах. Дзеці, якія не дасягнулі 16 гадоў, будуць прапускацца па пасведчаннях аб нараджэнні або замежным пашпартах. Выезд за мяжу па ўнутраных пашпартах даступны ўсім украінцам, незалежна ад месца іх пражывання ва Украіне.
