23-noyabr kuni Ukrainadagi keng ko‘lamli qurolli tajovuz munosabati bilan Rossiya Federatsiyasiga qarshi bir nechta iqtisodiy sanksiyalar paketi kiritilgandan so‘ng Yevroparlament muhim qaror qabul qildi - u Rossiyani terrorizmning homiysi sifatida tan oldi.
Yevropa parlamenti rezolyutsiyasi
Yevroparlament deputatlari Rossiyaning Ukrainadagi tinch aholi ob’ektlari – elektr inshootlari, shifoxonalar, maktablar va boshpanalarga hujumlari xalqaro huquqqa zid ekanligini ko‘rsatuvchi rezolyutsiyani yoqlab ovoz berdi. Rezolyutsiyani 494 deputat qo‘llab-quvvatlagan, 58 nafari qarshi, 44 nafari betaraf qolgan.
Ramziy ma'no
E’tiborlisi, ovoz berish Ukrainaning tinch shaharlariga Rossiya raketalarining navbatdagi ommaviy uchirilishi vaqtida bo‘lib o‘tdi. Asosan, mazkur qarorning qabul qilinishi ramziy ma’noga ega. Yevroparlament Yevropa Ittifoqi davlatlarini Rossiya bilan diplomatik munosabatlarni yanada cheklashga va Rossiya rasmiylari bilan aloqalarni zaruriy minimal darajaga qisqartirishga chaqirdi. Amalda, bu allaqachon sodir bo'lgan.
Ukraina prezidentining munosabati
Ukraina prezidenti Vladimir Zelenskiy ovoz berish natijasidan mamnun. Uning aytishicha, Rossiya har tomonlama izolyatsiya qilinishi kerak: “Men Yevroparlamentning Rossiyani terrorizm homiysi va terrorizm vositalaridan foydalanadigan davlat sifatida tan olish haqidagi qarorini olqishlayman. Ukrainada va butun dunyoda uzoq yillik terrorizm siyosatiga chek qoʻyish uchun Rossiya barcha darajalarda yakkalanib, javobgarlikka tortilishi kerak”.
